An Gabatar Da Jana'izar Kwamishinan kuɗi Na Borno

Da yammacin Litinin ne aka yi jana’izar Kwamishinan kuɗi na jihar Borno, Ahmed Ali a birnin Maiduguri cikin wani hali na alhini.

Wasu hotuna da su ka karaɗe kafafen sadarwa sun nuna Mataimakin Shugaban Ƙasa, Kashim Shettima a wani yanayi kamar ya na kuka yayin da ake yi wa Marigayin Sallah.

Marigayi Ali ya rasu a jiya Litinin da misalin ƙarfe 5 na yamma, kamar yadda Kwamishinan Yaɗa Labarai da Dabaru, Farfesa Usman Tar ya baiyana a wata sanarwa.

Sai dai har yanzu ba a fadi sababin rasuwar ta sa ba.

Allah Ya jikansa da rahama ya gafarta masa ameen summa ameen.