Abba Gida-Gida Ya Yi Alkawarin Gyara Ma’aikatu Da Biyan Albashi Cikin Gaggawa

Alfijr ta rawaito Zababben Gwamnan Jihar Kano Engr. Abba Kabir Yusuf, ya yi alkawarin gyara ma’aikatan gwamnati tare da tabbatar da biyan albashi da fansho ga ma’aikata cikin gaggawa.

A cikin wata sanarwa da ta fitar don bikin ranar ma’aikata, tsohon ma’aikacin ya lura da sadaukarwar da ma’aikata suka yi a bangarorin gwamnati da masu zaman kansu, musamman a lokacin da tattalin arzikin duniya ke tabarbarewa.

“Ma’aikata sune mabuɗin samar da shugabanci nagari a ƙarƙashin kowane tsarin dimokuradiyya, don haka sun cancanci a yaba musu saboda sadaukarwar da suka yi ga bil’adama,” in ji shi. Engr.

Abba ya kuma yi nuni da irin kalubalen da ma’aikatan jihar Kano ke fuskanta, da suka hada da rashin kyakkyawan yanayin aiki da rashin isassun ma’aikata.

Ya yi alkawarin samar da wata cibiya ta horar da ma’aikatan gwamnati domin ci gaba da sabunta su da ayyukan da suka dace.

Zababben Gwamnan ya kuma yi alkawarin magance matsalar neman aikin yi da son zuciya wajen daukar ma’aikata a jihar, yana mai cewa gwamnatinsa za ta tabbatar da daukar sahihin tsarin daukar ma’aikata ga dukkan ‘yan kasa da suka cancanta.

“Ba za mu bari ma’aikatan gwamnati su ruguza ta hanyar cin hanci da rashawa da son zuciya ba.

Ya zama dole mu duba ayyukan da ake yi a jihar Kano a matsayin fifiko domin dawo da martabar hidimar da aka bata,” inji shi.

Domin Samun sauran shirye shiryenmu, Zaku iya bibiyarmu a

Facebook. Alfijr Labarai
YouTube. Best Seller Channel
Twitter. @Musabestseller
Instagram. @musa_bestseller

Ko a latsa nan don shiga Group Whatsapp na Alfijr Labarai 👇

https://chat.whatsapp.com/G1wNveF9mGU7jec5mWhFvZ