Sun kuma jaddada bukatar shugabanni su magance bacin rai da korafe-korafen al’ummarsu domin samar da kwanciyar hankali da zaman lafiya.
Alfijir Labarai ta rawaito wasu manyan hafsoshin sojan Najeriya da suka yi ritaya sun gargadi gwamnatin ƙasar karkashin jagorancin shugaba Bola Tinubu, cewa babbar hanyar hana juyin mulki a kasar ita ce gwamnatin da aka zaba ta hanyar bin kundin tsarin mulkin kasar da kuma inganta shugabanci na gari.
Wadannan janar-janar, a wata hira da jaridar PUNCH, sun jaddada cewa, duk da cewa juyin mulki ba a so, amma kuma mutane ba sa son a yi wasa da su.
Sai dai gwamnatin Najeriya ta yi watsi da damuwar da ake da ita game da juyin mulki, inda ta bayyana cewa kasar ta wuce matakin kwace mulki na tilas.
Ya jaddada karbuwar dimokuradiyya a tsakanin ‘yan Najeriya da kuma karfafa cibiyoyin dimokuradiyya.
Tsohon hafsan hafsoshin tsaron kasar Alexander Ogomudia, ya bayyana cewa faruwar juyin mulkin na nuni da yadda zababbun gwamnatoci ke tafiyar da al’ummarsu.
Ya jaddada cewa, idan har gwamnati ta cika alkawuran da ta dauka a yakin neman zabe, kuma ta tabbatar da kundin tsarin mulkin kasar, to ba za a sami wata hujjar da za ta nuna goyon bayan juyin mulkin da aka yi mata ba.
Brig.-Gen. Phillip Ashim ya nanata cewa, babban abin da zai hana afkuwar juyin mulki a Afirka shi ne tabbatar da kyakkyawan shugabanci.
Brig.-Gen. John Sura (mai ritaya) ya jaddada muhimmancin mutunta kundin tsarin mulki da tsarin dimokuradiyya, yayin da Manjo Janar Henry Ayoola (mai ritaya) ya bukaci ‘yan siyasa da su gudanar da mulki bisa ka’ida, su aiwatar da dimokaradiyya ta gaskiya, da kuma bin doka da oda.
Janar-janar din na ganin cewa, kyakkyawan shugabanci, bin ka’idojin dimokuradiyya, da mutunta doka, na da matukar muhimmanci wajen hana juyin mulki da tabbatar da zaman lafiya a kasashen Afirka.
Sun kuma jaddada bukatar shugabanni su magance bacin rai da korafe-korafen al’ummarsu domin samar da kwanciyar hankali da zaman lafiya.
Domin Samun sauran shirye shiryenmu, Zaku iya bibiyarmu a
Facebook. Alfijir Labarai
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijir Labarai 👇
https://chat.whatsapp.com/Jmw5CBsPV6H3DbSgnlFUHM
Gaskiya Tsofin janar janar sunyi magana Mai kyau. Yardage ga yan siyasa dasu duba su Gani shin sunayin abinda ya ka mata ko akasin Hakan?
Gaskiya Tsofin janar janar sunyi magana Mai kyau. Yarage ga yan siyasa dasu duba su Gani shin sunayin abinda ya ka mata ko akasin Hakan?
REPLY
Abinda suka Fadi wallahi Har Ga Allah sunfadi Gaskiya, Rashin Adalchin sugabanni da Rashin Iya mulki,chin hanchi da rashawah Atsakanin sugabannin,da Rashin dokar doka da Odah,uwa Ubah Talauchi da Tsadar kayan masarufi suna daga chikin abubuwan da Suke kawo xuyin mulki akasah, Allah yabamu zaman lafiya ga kasamu nijeriya
Adilci shine matakin nasara ga dukkan Shugabanci da ke fatar wa al’ummar ta ci gaba.
Akasin haka zalunci shike kawo hitintunu da rashin zama lafiya a al’umma dole sai shuwagabanni sun cire son kai sun daura damarar son kasa da al’ummar kasa baki daya.
Zalunci shine babbar masifar da ke barazana ga duniya yanzu akasarin al’ummar suna cikin yanayin rashi da yunwa da rashin tsaro a cikin kasashe. Kai shugaba kasan babu sauran zama lafiya gareka sai dai ka zolayi kanka.
Shawarwarin mu anan shine mafita gudace adalci