Aika-Aika! Wani Matashi Ya Kashe Ladanin Masallaci Kan Shaye-shaye

X Facebook Telegram WhatsApp

Lamarin dai ya faru ne a daren lahadi 31 ga Watan Disamba, an shaidi matashin Ladanin mai suna Muhammadu Sani (Baha) a matsayun mutumin kirki, kuma shine ma ya ja sallar magriba a masallacin da yake ladanci a kasuwar Kurmi ‘yan kaji.

Alfijir labarai ta rawaito Muhammad Sani ya gamu da ajalin sa ne, sakamakon kisan gilla da wannan matashi ya yi masa.

Wasu sun bayyana yadda lamarin ya samo asali, kwanakin baya shi wannan yaron suna shaye-shaye a kofar gidan marigayin sai ya yi musu magana cewa “su daina yi musu shaye-shaye a wurin” ashe shi yaron ya ƙullaci Ladanin, shine jiya bayan marigayin ya ja sallar Magriba an idar, sai ya ɗauki robobin ruwa guda biyu da ya ɗebo a famfo zai kai gidan sa, ashe makashin yana laɓe a kofar gidan da wùķa a hannun sa, yana ƙarasowa ɗauke da jarkokin ruwa kawai sai yaron ya zaro wuka ya caka masa, kafin jama’a su ankara ya gudu.

Nan marigayini ya shiga gida yana dafe cikin, jini yana ɗibar sa, kafin wani lokaci Allah ya karɓi ransa.

An yi Jana idarsa a dazu kamar yadda addinin muslumci ya tanadar.

Za muji ta bakin jami an tsaro kan lamarin