Alfijr ta rawaito wasu munanan gobara na ci a kasuwar Gamboru da ke Maiduguri, babban birnin jihar.
Gobarar na zuwa ne a daidai lokacin da aka samu rahoton wata gobara a Babbar Kasuwar Biu da ke
jihar.
Gobara ta tashi ne a kasuwanin ana tsaka da zaben gwamnoni da ’yan majalisar dokokin jiha.
Mataimakin Shugaban Tsaro ta Sa- Kai ta CJTF, Aliyu Isa ya ce, sun samu sanarwar tashin gobarar ce da misalin karfe 9 na safiyar ranar Asabar.
Ya shaida cewa gobarar ta yi barna sosai a bangaren masu sayar da katako a kasuwar, amma jama’ar gari sun yi taron dangi wajen shawo kanta.
Amma ya cewa duk da haka, gobarar “Ta kawo tsaiko ga harkokin zabe a sassan garin, ko da yake daga baya jama’a sun koma sun ci gaba da zabe.
Kasuwar Gamboru ita ce kasuwa ta biyu mafi girma a Maiduguri, bayan Kasuwar Monday, wadda ta yi gobara, mako uku da suka gabata.
Aminiya
Domin Samun sauran shirye shiryenmu, Zaku iya bibiyarmu a
Facebook. Alfijr Labarai
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijr Labarai
https://chat.whatsapp.com/G1wNveF9mGU7jec5mWhFvZ