EFCC ta gurfanar da Yahya Bello a gaban kotu kan zargin badaƙalar biliyan 80

X Facebook Telegram WhatsApp

An gurfanar da tsohon gwamnan jihar Kogi, Yahaya Bello, a kotun koli na Babban Birnin Tarayya (FCT) da ke Maitama, Abuja, ta hannun Hukumar Yaki da Cin Hanci da Rashawa (EFCC).

Alfijir Labarai ta rawaito Bello, wanda rahotanni suka bayyana cewa yana boye tun watan Afrilu 2024, an kawo shi hedikwatar hukumar yaki da cin hanci ta EFCC a Abuja a ranar Talata da misalin karfe 12:55 na rana.

Daily Trust ta ruwaito cewa EFCC ta ayyana Yahaya Bello a matsayin wanda ake nema bayan ya gaza amsa gayyatar da aka yi masa sau da dama, har ta kai ga an fara shari’arsa ba tare da ya halarta ba.

Jami’an hukumar sun bayyana wa jaridar a wata hira cewa an kama Bello ta hanyar dabarar bincike, sabanin rahotannin da wasu ke yadawa cewa ya je kansa zuwa EFCC.