Shugaban Faransa Emmanuel Macron ya bukaci da a samar da wani tsari don aiwatar da sauyi ga dokokin Faransa da nufin bai wa alkalai damar hana yaɗuwar labaran karya a yanar gizo cikin gaggawa, ganin ta yada labaran karya ke barazana ga mutuncin ɗan Adam da zaman lafiyar ƙasa.
Shugaban na Faransa na fadar hakan ne a lokacin da ya ziyarci wani yankin gabashin ƙasar, yankin Mirecourt, ya ce ya nemi gwamnatinsa ta samar da shawarwari na ganin an kawo garambawul ga dokokin da za su bayar da damar daukar matakin gaggawa kan maganganun batanci da za su iya barazana ga rayuwar kowanenmu.
Ya bayyana cewa, manufar ita ce a samar da wata hanya cikin sauki da kuma za ta yi aiki da lokacin da muke cikinsa wajen samar da wannan doka a Faransa cikin ɗan kankanin lokaci.
Shugaban ya bayyana cewa ya kira wani kwamitin tsaro da aka samar da nufin yaƙi da labaran karya, wanda aka ɗora wa alhakin kammala aikinsa kafin ƙarshen shekara ta 2025. Matakin zai taimaka matuka inji hukumomin na Faransa wajen yaƙar da farfagandar ƙasashen waje, musamman daga Rasha tun lokacin da ta mamaye Ukraine a 2022.
RFI
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t