RUNDUNAR YAN SANDAN KANO SUN KAMA WANI SHAHARARAR DAN DAMFARA A KANO
Mutane 37 Suka Gabatar da Korafe-korafe kan Wanda ake zargin.
An gurfanar da su a Kotu A Ranar 09/11/2021, Rahoto daga wata mata daga Yelwa Shandam, Jihar Filato, Mai amfani da Facebook mai suna “Aliyu Hussaini Salisu”
Aliyu Hussaini Salisu ya baje kayan sutura irin su Lace, “Shadda”, da dai sauransu kuma ya tallata a shafin sa na Facebook na sayarwa.
Ta yi odar kayayyakin masaku daban-daban goma sha hudu (14) akan Naira Dubu Dari (N100,000:00) sannan ta tura kudin ta hanyar Unguwa Uku Motor Park Kano.
Amma, maimakon ya aika da kayan, sai ya shirya tsumma ya fasa gidan sauro ya aika mata.
Da samun rahoton kwamishinan ‘yan sandan jihar Kano, CP Sama’ila Shu’aibu Dikko, fsi, ya bayar da umarni ga tawagar ‘yan sanda karkashin jagorancin DSP Mutari Jibrin Dawanau da su kamo mai laifin.
Nan take rundunar ta dauki matakin damke wanda ake zargin mai suna Aliyu Hussaini mai shekaru 25 a unguwar Hotoro Quarters Kano a tashar Motar Unguwa Uku, Kano.
An kama wanda ake zargin yana dauke da Kwamfuta Laptop da Wayar Hannu a lokacin da yake kokarin damfarar wani wanda ake zargin.
A yayin da ake yi masa tambayoyi, wanda ake zargin ya bayyana cewa ya kware wajen yin amfani da Whatsapp da Facebook wajen tallata kayan masarufi, da karbar kudin mutane sannan ko dai ya toshe accounts/lambobin wayar su na dandalin sada zumunta ko kuma ya aika musu da tsummoki.
Ya kuma yi ikirarin cewa ya yi amfani da wannan hanyar wajen damfarar mutane kusan 37 daga sassa daban-daban na kasar nan, musamman mata masu sha’awar kayayyakin da aka kera.
Bayan kama shi, mutane 37 (37) sun shigar da kara sun kawo rahoton cewa, wanda ake zargin ya damfare su har naira miliyan daya da naira dubu goma sha hudu (N1,014,000.00). Wanda ake zargin a jiya 22/11/2021 ya gurfana a gaban babbar kotun majistare mai lamba 26 Ungogo Kano domin gurfanar da shi gaban kuliya.
Wannan labarin an samo shine daga Rundunar Yan Sandar jihar Kano ta bakin Abdullahi Haruna Kiyawa Mai magana da Yawun Hukumar.