Alfijr ta rawaito Gwamnatin jihar Edo ta bayyana karin mafi karancin albashin ma’aikata kan tallafin man fetur
Gwamnatin tace ta kara wa ma’aikata albashi mafi karanci daga N30,000 zuwa N40,000.
Gwamna Godwin Obaseki ya tabbatar da hakan a wata sanarwa da ya fitar ranar Talata.
Obaseki ya kuma sanar da rage kwanakin aiki daga biyar zuwa uku, yayin da mazauna yankin ke ci gaba da kokawa kan illar cire tallafin man fetur.
Ya ba da tabbacin cewa gwamnatinsa za ta tsaya tare da ma’aikata “a cikin waɗannan lokutan masu wahala”.
Obaseki ya kuma ce gwamnatin sa za ta yi duk mai yiwuwa wajen ganin ta magance wahalhalun da mazauna yankin ke ciki.
Sanarwar ta kara da cewa, “A matsayinmu na gwamnati mai fafutuka, tun daga lokacin muka dauki matakin kara mafi karancin albashin ma’aikata a jihar Edo daga N30,000 da aka amince da shi zuwa N40,000, mafi girma a kasar a yau.”
Ya kara da cewa “gwamnatin jihar Edo tana nan ta rage yawan kwanakin aiki da ma’aikatan gwamnati da na gwamnati za su rika zuwa wuraren ayyukansu daga kwana biyar a mako zuwa kwana uku a mako har sai an sanar da su.
Yanzu ma’aikata za su yi aiki daga gida kwana biyu kowane mako.”
Domin Samun sauran shirye shiryenmu, Zaku iya bibiyarmu a
Facebook. Alfijr Labarai
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijr Labarai 👇