Wasu ’yan bindiga sun kai hari a garin ’Yan Cibi da ke Karamar Hukumar Tsanyawa ta jihar Kano, inda ake zargin sun sace mata 10 a daren jiya Litinin.
Wani mazaunin garin da ya yi magana da Freedom Radio cewar maharan sun shigo garin ne da misalin karfe 10 zuwa 11 na dare, a kan babura sama da 30.
Ya ƙara da cewar maharan sun yi garkuwa da ’yan mata da kuma matan aure, abin da ya kara tsananta fargaba a yankin.
A cewar mazaunin garin, tun kafin wannan harin, al’ummar garin sun jima suna rayuwa cikin zaman dar-dar, inda maza da dama ke yin barci a kan bishiyoyi, ko kuma a waje nesa da gidajensu, saboda yawan hare-haren da ake kaiwa a yankin.
Rahotanni sun nuna cewa maharan sun shigo garin ne , yankuna da ke iyaka da Yar Gajam a Karamar Hukumar Musawa ta jihar Katsina, kafin su kutsa cikin ’Yan Cibi.
Hukumomi dai ba su fitar da wata sanarwa game da harin ba, kuma ana jiran karin bayani daga hukumomin tsaro.
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t