Shahararren lauyan nan Barr. Abba Hikima fagge yayi wasu kalamai da safiyar wannan rana ta lahadi , kalaman da suka tada hazo a shafukan sada zumunta musamman Facebook.
Kalaman da lauyan ya rika yi suna da alaka da gwamnatin jihar Kano, wanda hakan tasa wadanda suke goyon bayan gwamnatin suke ganin kalaman Abba Hikiman a matsayin cin zarafin a gare su.
Lauyan dai ganin zabe ana ganin yana cikin yan gaba-dai-gaba-dai na tafiyar Kwankwasiyya saboda gudunnawar da ya bayar kafin zaɓen lokacin zaɓen da bayan zaɓen.
Ga dai kalaman da Abba Hikima yayi a sahihin shafinsa na Facebook.
“Na Ɗaya (1).
Kamar na sani, ana gobe za’a rushe shagunan Masallacin Idi, na faɗa masa baki da baki cewa, ranka ya dade, wannan rusau ɗin da ake yi a Kano, akwai buƙatar bin doka da kare haƙƙin mutane. Saboda a lokacin muna kotu akan irin wannan case din da tsohuwar gwamnati.
Sai aka ce dani “ku nemo hanyoyin da zaku kare gwamnati kawai”
Daga ranar na yanke shawarar ba zan karɓi muƙamin su ba. Domin sai yadda akayi dani”. Inji Abba Hikima Fagge
Bayan wasu mintuna kuma Abba Hikima ya sake yin wani rubutun kamar haka:
“Na biyu (2).
Kwanaki kaɗan bayan rushe shagunan masallacin Idi, kuma bayan na bada shawara a sirrance ba a bi ba. kwatsam sai ji nayi an rushe shatale-talen gidan gwamna, saboda haka nayi rubutu a fili nace “now this is wrong” wallahi kasa da minti 30 gwamna ya kira ni yace “ya kayi mana haka”?
A sannan na ƙara jaddawa kaina cewa wannan tafiyar indai bata gyaru ba, to ba tawa bace” . A cewar Abba Hikima Fagge
Wadancan kalamai dai sun zanyo cheche-ku-ce a dandalin sada zumunta na Facebook, Inda wasu suke ganin kalaman Abba Hikiman suna bisa turba wasu kuma suke ganin yana yin kalaman ne saboda ya rasa makoma ko mukami a gwamnatin jihar Kano.
Domin Samun sauran shirye shiryenmu, Zaku iya bibiyarmu a
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Ko a latsa nan don shiga Group Whatsapp na Alfijir Labarai 👇
https://chat.whatsapp.com/CJ2q8cmhhOxFY6OEgwV5vk