Daga Aminu Bala Madobi
Babbar kotun jihar Abia da babbar kotun birnin tarayya sun tabbatar da korar Kwankwaso da kungiyarsa
Jam’iyyar NNPP ta bukaci Hukumar Zabe INEC da ‘yan Najeriya da su yi watsi da Zaben Shugabancin da tsagin Kwankwasiyya suka ke yi karkashin Sen. Rabiu Kwankwaso, inda ta bayyana hakan a matsayin abinda ya saba wa kundin tsarin mulkin kasar.
Acikin wata sanarwa da sakataren jam’iyyar na kasa Mista Ogini Olaposi ya fitar a yau Litinin, jam’iyyar ta bayyana cewa, kotu ta basu damar gabatar da Zaben Shugabancin Jam’iyyar wanda kuma an kammala.
Kamfanin Dillancin Labarai na Najeriya, NAN, ya rawaito cewa kungiyar da Kwankwaso ke jagoranta a wata wasika da ta aike wa INEC, ta sanar da hukumar shirin ta na gudanar da sabon taron majalisar, tun daga ranar 25 ga watan Nuwamba zuwa Janairun 2026, na jam’iyyar NNPP.
Jam’iyyar ta bayyana cewa tsagin bashi da hurumin gudanar da babban taro a madadinta, saboda yarjejeniyar da aka kulla da ita a shirye-shiryen zaben shugaban kasa na 2023.
Jam’iyyar ta yi nuni da cewa Kwankwaso kuma dan takarar shugaban kasa na NNPP a Shekarar 2023 da kuma wasu ‘yan kungiyar Kwankwasiyya sun ci gaba da korarsu daga mazabar su saboda zargin ayyukan da suka saba wa jam’iyya.
“Har yanzu muna mamaki zai dage lallai-ilallah kan se ya kwace jam’iyyar da ta ba shi damar tsayawa takarar shugaban kasa a zaben 2023.”
Jam’iyyar NNPP ta bayyana cewa dole ne hukumar zabe INEC ta sauke nauyin da ke kanta ta hanyar yin biyayya ga umarnin kotu tare da sanya sahihin shugabancin jam’iyyar a shafinta na intanet.
“Babbar kotun jihar Abia da babbar kotun birnin tarayya sun tabbatar da korar Kwankwaso da kungiyarsa da kuma matakin ladabtarwa da Jam’iyyar NNPP ta dauka akan su. Acewar su
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t