Shugaba Tinubu Ya Sake Magantuwa Cikin Fushi Akan Matsalolin Najeriya

Dole ne Na Kare Baitul malin Najeriya daga Masu wawure dukiyar kasa.

Alfijir labarai ta rawaito Shugaba Bola Tinubu ya bayyana haka ne a Jiya Juma’a cewa Gwamnatinsa ta kuduri aniyar kare dukiyar kasa daga masu wawure dukiyar da sauran masu hannu da shuni.

Tinubu ya kuma amince da cewa masu fasa-kwauri da masu cin gajiyar tsarin tallafin da aka yi a baya a kasar nan suna adawa da yaki da cin hanci da rashawa. Ya bukaci Shugabannin da su karfafa wa ‘yan kasa gwiwa don samun lambobin shaidar su ta kasa (NIN) don ingantaccen tsarin shiga tsakani, da Samun shiga shirye-shiryen agaji daban-daban.

A yayin da yake jawabi a wajen liyafar taron Shugabannin jam’iyyar APC na ƙasa a fadar Shugaban kasa dake Abuja, Shugaba Tinubu ya jaddada cewa Gwamnatinsa na amfani da albarkatun kasa wajen samar da muhimman sassa dake da matuƙar tasiri ga jin daɗin ‘yan Nijeriya, Inda ya jaddada tsattsauran ra’ayi na kare dukiyar kasa.

Da yake tabbatar wa ‘yan Najeriya kokarin da ake yi na inganta yanayin rayuwarsu, Tinubu ya jaddada muhimmancin samun NIN domin shiga cikin shirye-shiryen agaji daban-daban. Ya bayyana ci gaban ayyukan Gwamnati kamar rancen ɗalibai, tsarin kula da lamuni na ƙasa da ƙasa, da jin daɗin jama’a ga waɗanda ba su da aikin yi da waɗanda suka kammala karatun digiri.

Shugaba Tinubu ya kuma jaddada muhimmiyar rawar da noma ke takawa wajen fadadawa da habakar tattalin arzikin Najeriya, inda ya ce Gwamnatinsa ta samar da wani tsari na noman kiwo, wanda za a fara aiwatar dashi nan bada dadewa ba.

Bugu da kari, ya bukaci Gwamnoni jihohi, ba tare da la’akari da jam’iyya ba, da su zaburar da ‘yan kasa don yin rijistar NIN, yana mai jaddada wajabcin samar da sahihin bayanai domin samar da ingantaccen tsaro ga zamantakewa. Tinubu ya tabbatar da aniyarsa na daukaka ‘yan Najeriya duk da cewa akwai abubuwa masu kawo cikas a harkokin siyasa.

Shugaban jam’iyyar APC na kasa, Dakta Abdullahi Ganduje, ya bayyana shirin jam’iyyar na kafa Cibiyar Tsare Tsare Tsare-da Cigaban Kasa don amfanin ‘ya’yanta da sauran al’ummar Nijeriya.