Shugaban kungiyar dillalan man fetur da iskar gas ta Arewa (AROGMA) Bashir Ahmad Danmalam, ya bukaci shugabannin kungiyar dillalan man fetur ta kasa IPMAN da su mayar da hankalinsu kan kamfanin man fetur na Najeriya NIPCO. a tabbatar da dawo da hannun jarin da aka hana na ‘yan kasuwar mai.
Alfijir labarai ta rawaito Danmalam ya bayyana haka ne a wata hira da manema labarai a Abuja.
Shugaban AROGMA ya jaddada cewa kamata ya yi shugabancin kungiyar IPMAN ya nisanci dora laifin a kan NNPC dangane da batun farashin mai.
Ya kara da cewa, idan har IPMAN ta yi yunƙurin dawo da hannun jarin da NIPCO ta rike, za a iya mayar da ma’ajiyar man da aka ware domin sayar da man a farashi mai rahusa.
A cewar Danmalam, ya kamata shugabannin IPMAN su rika yin magana da gaskiya maimakon kame-kame
Ya jaddada cewa ya kamata IPMAN ta karkata hankalinta ga NIPCO, ba NNPC ba, domin samun tallafin farashin man fetur.
Danmalam ya kara da cewa an kafa NIPCO ne domin samar wa ‘yan kasuwa ma’ajiyar su, Amma ba su Rika IPMAN ta Rika bata sunan NNPC ba.
Danmalam ya bukaci kungiyar IPMAN da ta mayar da hankali wajen kwato hannun jarin da aka hana tare da hada kai da AROGMA domin dawo da ikon sayar da man fetur a farashi mai rahusa da tabbatar da maajiyar su ta Kashin Kai.
Yace zarge-zargen da IPMAN tayi WA NNPC akan sayo Mai da farashinsa bashi da tushe sannan ya bukaci kungiyar IPMAN da ta shiga tattaunawa mai inganci maimakon yin alkawuran Dokin Rano.
Danmalam ya tunatar da IPMAN kiran da ya yi a baya, wanda ya yi a ranar 11 ga watan Disamba, 2023, don gudanar da bincike kan hannayen jarin ‘yan kasuwar man da NIPCO ta rike.
Ya kuma jaddada mahimmancin magance matsalar NIPCO tare da karfafa gwiwar IPMAN da su hada kai da AROGMA don kwato hannun jarin sayar da man fetur a farashi mai rahusa.
Danmalam ya bukaci shugabannin IPMAN da su ba da fifiko wajen bayyana gaskiya tare da daukar kwakkwaran mataki maimakon yin kalaman batanci.
Ya kuma yi kira ga shugabannin IPMAN da su gudanar da cikakken bincike kafin yanke hukunci, yana mai jaddada alhakin jagoranci na daukar mataki mai tsauri.
Idan muka yi magana ba tare da bincike ba, mutane za su ɗauke mu a matsayin marasa hankali.
Idan an dawo da depots din mu ta hannun jarin NIPCO da ke hannun jari za mu iya siyan man fetur a kan 556.50 domin mu sayar da shi a farashi mai rahusa.
Kwanan nan, Shugaban IPMAN, a wata hira da manema labarai, ya bayyana cewa za su rage farashin man fetur muddin NNPC ta sayar musu kai tsaye. Sai dai Danmalam, Shugaban AROGMA, ya ladabtar da su, inda ya bukace su da su hada kai su dawo da hannun jarin mai da NIPCO ta rike.
Dangane da batun biyan kudin man fetur da kungiyar IPMAN ta gabatar, Danmalam ya ce IPMAN ta nuna jahilcinta kan yadda ake gudanar da harkokin man fetur, inda ta nemi kamfanin NNPC ya biya kudin man fetur, inda ya ce alhakin asusun daidaita man fetur ne ya biya.
A cewar AROGMA Kamfanin NNPC ba shi ne da alhakin biyan kudaden da ake nema ba, kuma IPMAN ta sani sarai inda kudaden da ake nema na man fetur suke. Wannan lamari na iya zama abin dariya, hatta kananan yan kasuwar mai sun san inda kuɗaɗen da’awar man fetur yake.
Ya ce kudurin dokar da ya tanadi kudaden daidaita man fetur ya dora alhakin duka bangarorin Down stream da Kuma asusun daidaita farashin mai, har ma da Ministan Man Fetur kan abin da za a yi.
Domin Samun sauran shirye shiryenmu, Zaku iya bibiyarmu a
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Ko a latsa nan don shiga Group Whatsapp na Alfijr Labarai 👇👇
https://chat.whatsapp.com/H3iC9eVfJI012LJzvCQn5V