Wata cibiyar bincike ta gwamnatin Saudiyya ta ƙaryata wani rahoto a wani faifan bidiyo da ya karaɗe shafukan sada zumunta, wanda ke cewa wani tsohon gida a birnin Madina na ƴar Manzon Allah (SAW) ne.
A cikin faifan bidiyon, an ga wani mutum a cikin wani tsohon gida na dutse da ke kauyen Qaba a Madina, yayin da wanda ke daukar bidiyon kuma na ikirarin cewa wurin ya taba zama gidan Umm Kolthum, ƴar Manzon Allah ta uku.
Da ta ke tsokaci kan bidiyon, Cibiyar Bincike da Nazari ta Al Madinah Al Munawwar ta yi watsi da bayanan da aka ambata a cikin bidiyon da cewa “ba gaskiya ba ne”.
“Gidajen da aka yi fim din ba su da wata alaka da tarihin Manzon Allah Sallallahu Alaihi Wasallama ko kuma ‘ya’yan Manzon Allah Sallallahu Alaihi Wasallama da kuma ‘ya’yan Manzon Allah Sallallahu Alaihi Wasallama, masu albarka,” a cewar cibiyar.
Cibiyar ta jaddada mahimmancin lura da gaskiyar bayanai da tuntubar majiyoyi masu inganci a lokacin da ake buga bayanan da suka shafi rayuwar Annabi da kuma tarihin Madina, inda nan ne wuri na biyu mafi tsarki na Musulunci.
“Cibiyar ta fitar da litattafai da dama da bincike kan tarihin Madina da wurarenta da za a iya dubawa da yin amfani da su ta shafin yanar gizon cibiyar,” in ji ta.
Domin Samun sauran shirye shiryenmu, Zaku iya bibiyarmu a
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Ko a latsa nan don shiga Group Whatsapp na Alfijir Labarai 👇
https://chat.whatsapp.com/FNim39ly65N2CzcTt8FgWb