Alfijr ta rawaito Gwamnan jihar Kano, Abdullahi Umar Ganduje a ranar Talatar ya yi wa fursunoni 12 da aka yanke wa hukuncin kisa afuwa, sannan kuma ya mayar da hukuncin kisa na fursunoni 6 zuwa daurin rai-da-rai.
Jami’in hulda da jama’a na hukumar gidan gyaran hali da tarbiyya jihar Kano SC Musbahu Lawan K/ Nassarawa ya bayyana haka a wata sanarwa da ya fitar.
Ya ce gwamnan ya kuma yi afuwa ga wasu fursunoni mata guda hudu da aka yanke musu hukunci mai tsawo, bisa la’akari da kyawawan dabi’unsu da mu amularsu kamar yadda hukumar ta sanar.
A cewar PRO wasu daga cikin fursunonin da aka yi wa afuwa sun shafe shekaru 25 suna jiran a zartar da hukuncin kisa.
A nasa jawabin shugaban kungiyar jinkai Abdullahi Garba Rano ya godewa Ganduje bisa yadda ya yi amfani da ikon da kundin tsarin mulki ya ba shi wajen sakin fursunonin da kyakykyawan hali bisa shawarar majalisar ta jinkai.
Gwamnan ya kuma bai wa kowanne daga cikin fursunonin da aka sako kudin sufuri 5000 domin su sake haduwa da iyalansu.
Kwanturola na hukumar Prison jihar Kano, Sulaiman Mohd Inuwa ya gode wa gwamnan kan yadda ya rage cunkoso a cibiyar, sannan ya yi kira ga fursunonin da aka sako da su kasance jakadan hukumar gidan gyaran hali ta Najeriya nagari ga al’umma kuma su nisanci duk wani abu da zai iya haifar da su. koma ga laifin.
Domin Samun sauran shirye shiryenmu, Zaku iya bibiyarmu a
Facebook. Alfijr Labarai
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijr Labarai
Canake anfiyin irin Wannan afuwar ranar sallah meyasa wannan tazo adaf da lokacin zabe?
Sabida lokacin da za ayi amfani dasu me yazo yanzun . Odan an sake su bayan sallah aikin me za su Yi ko Yaya Gwabnati zata Karu da su