Babban Bankin Najeriya (CBN) ya fitar da sabon tsarin da ya kayyade iyakar cire kudi daga wuraren Point of Sale (POS) zuwa N100,000 a kowace rana ga kowane abokin ciniki.
Alfijir Labarai ta rawaito sanarwar, wacce aka fitar ranar Talata kuma Oladimeji Yisa Taiwo ya sanya wa hannu, ta bayyana cewa wannan matakin an dauke shi ne domin inganta ayyukan wakilan banki, karfafa amfani da biyan kudi ta yanar gizo, da kuma tallafa wa tsarin tattalin arzikin zamani mara amfani da tsabar kudi.
A cewar dokar, wakilan POS dole ne su tabbatar da cewa ba wani abokin ciniki da zai cire fiye da N100,000 a rana, yayin da aka kayyade adadin cire kudin wakili zuwa N1,200,000 a rana. Haka kuma, an kayyade iyakar cire kudin abokan ciniki zuwa N500,000 a mako.
An umarci wakilan da su raba ayyukan bankinsu da sauran harkokin kasuwanci tare da amfani da lambar Agent Code 6010 wajen dukkanin cinikayya.
CBN ya bayyana cewa za a gudanar da bincike lokaci-lokaci domin tabbatar da bin wannan doka, ciki har da duba bayanan tsarin fasaha.
Babban Bankin ya kuma gargadi cewa duk wanda ya saba wa wannan tsari zai fuskanci hukunci mai tsanani, wanda ya hada da tara mai yawa da kuma takunkumin gudanarwa.
Domin samun sauran shirye-shiryen Alfijir labarai/Alfijir news zaku iya bibbiyarmu ta 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/ELQRQyq1zGn7zpAVP8DwNj