Alfijr ta rawaito Gwamnatin Najeriya ta biya malaman jami’o’i karkashin inuwar kungiyar malaman jami’o’i ASUU na tsawon kwanaki 18 na aiki a cikin watan Oktoba.
Rahotanni sun bayyana cewa, wani jigo a kungiyar ta ASUU a daya daga cikin rassan da ya nemi a sakaya sunansa ya bayyana hakan a ranar Alhamis, 3 ga watan Nuwamba, 2022, inda ya ce gwamnati ta biya rabin albashin watan Oktoba ne kawai.
“Eh, kawai na karɓi albashin kwanakin aiki 18, abin da suka biya ni ke nan,” in ji shi.
Idan za a iya tunawa, a ranar Juma’a 16 ga watan Oktoba, 2022, ASUU ta dakatar da yajin aikin da ta shafe watanni 8 tana yi, wadda ta rufe jami’o’in gwamnati a kasar nan, domin neman cikakken aiwatar da yarjejeniyoyin da ta kulla da gwamnatin tarayya a shekarun baya.
Yayin da ake ci gaba da yajin aikin, Ministan Ilimi, Malam Adamu Adamu Adamu, ya yi ikirarin cewa gwamnati ta warware mafi yawan bukatun kungiyar ASUU.
Daga cikin bukatun da aka gabatar a cewar Ministan, akwai fitar da Naira biliyan 50 domin biyan alawus-alawus ga ma’aikatan jami’o’in da ba na ilimi da na jami’o’i ba.
Sai dai ASUU ta ki komawa bakin aiki biyo bayan dagewar da gwamnati ta yi na kin biyan kungiyar basussukan yajin aikin.
Domin Samun sauran shirye shiryenmu, Zaku iya bibiyarmu a
Facebook. Best seller Channel
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijr Labarai
https://chat.whatsapp.com/H5oBRaZBdCVIyOTIV5eMfb