Tsohon Gwamnan Jihar Kano Dr. Abdullahi Umar Ganduje, ya mayar da martani kan kiran da gwamnatin Kano ta yi na a kama shi, inda ya bayyana matakin a matsayin, marar hujja, kuma shaida ta rashin ƙwarewa a tafiyar da mulki.
A wata sanarwa da ofishinsa ya fitar, Ganduje ya ce gwamnatin Abba Kabir Yusuf tana ƙoƙarin karkatar da hankalin jama’a daga matsalolin tsaro da suka taɓa wasu yankuna na jihar, maimakon ta dauki ingantattun matakai na kare rayuka da dukiyoyin al’umma.
Ya ce, a tsawon shekaru takwas da ya jagoranci Kano, ya tabbatar da zama lafiya da kwanciyar hankali, sabanin yadda ake fuskantar matsaloli a yanzu.
Ganduje ya zargi gwamnatin jihar da neman wanda za ta dora wa alhakin gazawarta ta fuskar tsaro.
Tunda farko Kwamishinan yaɗa labarai da al’amuran cikin gida na jihar Kano Kwamared Ibrahim Abdullahi Wayya a taron manema labarai bayan kammala zaman majalisar zartaswa yace majalisar ta amince a kama Ganduje da Barau saboda kalamansu akan tsaro da zai iya tada hankulan jama’a.
Gwamnatin Kano ta nemi a cafke Ganduje ne bayan zargin cewa ya yi maganganun da za su iya tada tarzoma da tayar da hankalin jama’a, musamman dangane da batun tsaro da ya shafi wasu yankunan Bagwai, Shanono, Tsanyawa da makwabtansu da kuma ikirarin kafa sabuwar hukumar Hisba mai zaman kanta a Kano.
Sai dai a martaninsa, Ganduje ya ce “maganin rashin iya mulki ba shi ne matsa wa mutane da ƙirƙiro tuhuma ba,” yana mai cewa gwamnatin Kano na faɗa cikin rikicin da ta jawo da kanta sakamakon rashin tsari da karyar da ta saba fadawa jama’a.
About advertisement or advice call this Number +2348032077835
For more information about Alfijir labarai/Alfijir news Fallow here 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t