Hadarin mota ya yi ajalin mutane 19 da raunata 26 a Kano 

Best Seller Channel 

Best Seller Channel 

Best seller channel ta rawaito, kimanin mutane 19 ne suka rasa rayukansu a ranar Alhamis a wani hatsarin mota da ya afku a Bagauda, ​​kusa da harabar makarantar koyon aikin lauya ta Najeriya da ke kan titin Kano zuwa Zaria. 

Solacebase ta ce hatsarin ya afku ne lokacin da wasu motocin bas na haya guda biyu – Toyota Hiace – mai lambar rijista KBT 152 XA da NSR 275 ZX suka yi karo a junansu. 

Best Seller Channel 

Kwamandan hukumar kiyaye haddura ta kasa reshen jihar Kano, Zubairu Mato, ya tabbatarwa manema labarai faruwar lamarin, ya ce hatsarin da fasinjoji arba’in da biyar suka yi, ya yi sanadiyar mutuwar mutane goma sha tara yayin da wasu ashirin da shida suka samu raunuka daban-daban. 

Mato ya ce an kwashe wadanda suka jikkata zuwa babban asibitin Kura domin kula da lafiyarsu, yayin da aka mika gawarwakin wadanda suka mutu a ofishin ‘yan sanda na Bebeji. 

Kwamandan ya ce, “Mun samu kiran waya da misalin karfe 7:30 na safe, da samun labarin, sai muka yi gaggawar tura jami’an mu da motar mu zuwa wurin da lamarin ya faru domin ceto wadanda lamarin ya shafa. 

“Jimillar fasinjoji 45 da ke jigilar su a cikin motocin bas guda biyu ne suka yi hatsarin. Mutane 19 ne suka mutu (Baligi maza 14, manyan mata hudu da yaro namiji daya) yayin da wasu 26 suka samu munanan raunuka. 

Best Seller Channel 

“Hatsarin ya faru ne a sakamakon gudun wuce sa a, da tukin ganganci da kuma rashin kulawa, wanda ya kai ga yin karo da juna.