Takaitattun Labaran Duniya Na Safiyar Lahadi 11/02/2024CE - 01/08/1445AH

Daga Baba Usman Gama

Tsohon Manajan Darakta kuma Babban Jami’in Gudanarwa na Access Holdings, Herbert Wigwe ya rasu a haɗarin jirgin sama a Amurka.

Har yanzu dai gwamnatin tarayya bata biya ma’aikata albashin watan January ba.

Hukumar alhazan Kano tace har yanzu bata sayar da kujeru sama da dubu 3 ba.

An kama mutum 32 da ake zargin su da yawon barace-barace a kan hanyoyin Ibadan babban birnin Jihar Oyo.

Rundunar ‘yan sandan Enugu ta kama wani boka da ake zargin yana amfani da dabbobi ba bisa ka’ida ba, da kuma yi musu kisan gilla da azabtar da su, da sunan tsafi.

Gwamnan Katsina Dikko Radda yace sunyi maganin masu bai wa ƴan bindiga bayanai.

NDLEA ta kama mutum 92, muggan kwayoyi masu nauyin kilogiram 217 a Kaduna.

Akalla ciyamomi 3 ne a jihar Kano suka sauya sheka zuwa NNPP inda Gwamna Abba ya karbe su Kananan hukumomin sun hada da Dawakin Tofa da Garun-Malam da kuma Nassarawa da ke jihar.

Gwamnatin sojin Myanmar zata tilastawa ‘yan kasar karbar horon aikin soja.

Macky Sall ya ce a shirye yake ya sauka daga mulkin Senegal.

Sojin Amurka biyar sun mutu a hatsarin jirgin sama.

‘Yan ta’adda sun hallaka dakarun wanzar da tsaro na majalisar dinkin duniya a Congo.

Afrika ta Kudu ta lashe tagulla a Gasar cin kofin ƙasashen Afirka ne bayan doke DR Congo da ci 6-5 a bugun fenareti.