Alfijir Labarai ta rawaito Wani matashi mai suna Hamza Umar dan shekara 30 a duniya ya shiga hannun ‘yan sanda a jihar Bauchi bayan da ya zubawa wata yarinya kananzir ya banka mata wuta kan zargin da ake mata cewa ita mayya ce.
Hakan na kunshe ne cikin wata sanarwa da jami’in hulda da jama’a na rundunar ‘yan sandan jihar Bauchi, SP Ahmed Wakil ya fitar.
Rundunar ‘yan sandan ta ce wanda ake zargin ya aikata laifin ne a lokacin da matar ta shiga gidansa da ke unguwar Rafin Albasa a cikin birnin Bauchi, inda ta ce yayanta ne ta aiko ta.
“Mutumin ya yi yunkurin sa yarinyar ta bar gidansa amma ya ce ta dage sai ta binne wasu laya a kusurwar gidan.
“Wanda ake zargin ya fusata ya zuba mata kananzir ya banka mata wuta a harabar sa, inda ya ce mayya ce,” in ji Wakil.
Ya bayyana cewa da samun labarin, tawagar jami’an tsaro ta garzaya wurin da lamarin ya faru, inda suka kwashe wadda abin ya faru zuwa Asibitin Koyarwa na Jami’ar Abubakar Tafawa Balewa (ATBUTH) da ke Bauchi domin samun kulawar gaggawa.
“An gudanar da bincike mai don gano ainihin yanayin da ya haifar da lamarin.
Za a gurfanar da wanda ake zargin a gaban kotu kan laifin da ya aikata bayan an kammala bincike,” inji shi.
Wakil ya yi gargadin cewa babu wanda ke da hakkin ya yi wa dan Adam irin wannan dabi’a ta dabbanci.
A wani labarin kuma ya ce jami’an sun kama wadanda ake zargi da hada baki da kuma satar mota.
![](https://alfijirlabarai.com/wp-content/uploads/2023/06/IMG-20230611-WA0247-723x1024.jpg)
Rundunar ‘yan sandan da ke aiki a hedikwatar ‘yan sanda ta ‘C’ da ke Bauchi, ta ce ta kama wani mutum mai suna Yusuf Muhammed, mai shekaru 34, tare da kwato wata mota kirar noma. AP-675-BAU ‘Pontiac Vibe’ baka tare da chassis no. 5428XL62884242598 wanda kudinsu yakai N1.5million.
Wakil ya ce wanda ake zargin ya amince da aikata laifin da radin kansa sannan kuma ya ambaci wani Mohammed Auwal a matsayin wanda ake zargi da aikata laifin.
Domin Samun sauran shirye shiryenmu, Zaku iya bibiyarmu a
Facebook. Alfijir Labarai
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijir Labarai 👇
https://chat.whatsapp.com/GdLiqZyHuSz5NhjdGoGRGZ