Alfijr ta rawaito Gwamnan Jihar Kano Dr. Abdullahi Umar Ganduje Ya Amince da sakin naira miliyan dari uku (N300,000,000) A matsayin kuɗin karatun daliban da Jihar Kano ta ɗauki nauyin Karatu a Jami’ar Near East University, Cyprus.
Hakan na kunshe ne a cikin wata sanarwa da babban jami’in hulda da jama’a na ma’aikatar ilimi mai zurfi ta jihar Kano, Sanusi Abdullahi Kofar Na’isa ya fitar a ranar Juma’a.
Sanarwar ta ce an ci gaba da samun ci gaba a kokarin gwamnatin jihar na inganta karfafa matasa ta hanyar samar da ingantaccen ilimi a fadin jihar.
A cewar sanarwar, kwamishiniyar ilimi mai zurfi Dr. Mariya Mahmud Bunkure, ta bayyana cewa biyan bashin yana cika alkawarin da Gwamna Ganduje ya yi na daga darajar zamantakewa da tattalin arziki na hadakar matasan jihar ta hanyar samar da ilimi mai inganci da kuma lokacin da ya dace.
“Sai mai girma kwamishinan ya godewa gwamna bisa ganin wannan mafarkin ya tabbata”, ta kuma kara da cewa.
“Babban Godiya ga mai girma Khadimul-Islam, lallai girmanka bai wuce kowa ba,” in ji sanarwar. ‘’
Daga nan sai ta yi amfani da wannan damar wajen taya daliban da iyayensu murnar samun irin wannan gagarumin aiki, inda ta jaddada bukatar yin amfani da ilimin da aka samu wajen ci gaban jihar Kano da ma Nijeriya baki daya’’.
Domin Samun sauran shirye shiryenmu, Zaku iya bibiyarmu a
Facebook. Best seller Channel
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijr Labarai
https://chat.whatsapp.com/KrigvNKcneVBHxctLUQ0ux