Rana Dubu! Dubun Wani Mai Garkuwa Ta Cika Bayan Yaje Karɓar Kuɗin Fansa

Yan sandan jihar Adamawa sun kama wani da ake zargin mai garkuwa da mutane ne mai suna Roland Raymond.

Alfijir labarai ta rawaito kakakin rundunar yan sandan jahar SP Sulaiman Yahya nguroje, ya ce rundunar ta cafke Mista Raymond ne a ƙauyen Detti da ke Ƙaramar hukumar Ganye ta jihar.

Yace an sami Nasarar kama Raymond mai shekaru 32 a lokacin da yake ƙoƙarin karɓar kuɗin Fansa, tare da haɗin gwiwar mafarautan jihar.

Sanarwar ta ce, “Rundunar ‘yan sandan Jihar Adamawa ta kama wani Roland Raymond mai shekara 32 da haihuwa, mazaunin ƙauyen Detti, ƙaramar hukumar Ganye, bisa laifin cin zarafi mai alaƙa da garkuwa da mutane.

“An kama wanda ake zargin ne biyo bayan rahoton wasu mutane —Alhaji Yahaya Kongo da Abraham Paul — waɗanda suka bayyana cewa wanda ake zargin ya kira su ta wayar tarho ya buƙaci su biya Naira dubu 600 a matsayin kuɗin fansa.

“Bayan samun ƙorafin ne ‘yan sandan da ke yankin Ganye, tare da haɗin gwiwar mafarauta, suka yi gaggawar tattara bayanai tare da cafke wanda ake zargin a wajen karɓar kuɗin.

SP Sulaiman ya kara da cewar, “Za a gurfanar da wanda ake zargin zuwa kotu bayan kammala bincike.”

Domin Samun sauran shirye shiryenmu, Zaku iya bibiyarmu a