Alƙaluma daga babban bankin Isra’ila sun nuna muhimmin asarar tattalin arziki da aka alaƙanta da kisan kiyashin Gaza da rikicin yankin.
Rahotanni sun nuna sauyi a yanayin cinikayya da kuma raguwar fitar da kayayyaki zuwa ƙasashen Tarayyar Turai
Tattalin arzikin Isra’ila ya tafka asarar da ta zarce ta dala biliyan 57 cikin shekara biyu na kisan ƙare-dangi a Gaza, in ji wani rahoton da kafar Bloomberg ta wallafa.
Alƙaluman da aka wallafa a shekarar 2025 a cikin rahoton shekara-shekara na babban bankin Isra’ila sun nuna asarar sehekl biliyan 177, wanda ya yi daidai da dala biliyan 57 ko kuma kashi 8.6 cikin 100 na ƙimar tattalin arzikin ƙasar a ma’aunin GDP, tsakanin shekarar 2023 zuwa shekarar 2025.
An alaƙanta yawancin asarar ne da kisan kiyashin da Isra’ila ke yi a Gaza da kuma harin da Isra’ila ta kai Lebanon.
Rahoton bai haɗa da tasirin tattalin arziki na yaƙin da ake yi a Iran ba, wanda ya shiga makona na huɗu, kuma Isra’ila take kai hare-haren sama ko da yake tana fuskantar hare-haren ramuwar gayya.
A farkon wannan watan, majalisar zartarwar yaƙi ta Isra’ila ta amince a sabunta kasafin kuɗi na ƙasa na shekarar 2026, inda ta ƙara dala biliyan 13 domin a kasafin kuɗin yaƙinta.
TRT
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t