Alfijr ta rawaito ƴan bindiga sun yi garkuwa da kwamishinan harkokin mata;
Mataimakiyar kakakin rundunar ‘yan sandan jihar Kuros Riba, Igri Ewa ta ce ‘yan sanda na ci gaba da ceto kwamishiniyar harkokin mata da aka yi garkuwa da ita Mrs Gertrude Njar.
An rawaito cewa an yi garkuwa da ita ne a safiyar Laraba a kusa da gidanta da ke Calabar.
Ewa ta ce a wata hira da aka yi da ita: “Muna toshe dukkan hanyoyi da ke Calabar ta Kudu, kuma mun kuma kai farmakin da suka kai ga ceto kwamishinan.
Mun tura mutanenmu, don bin sawun wadanda ake zargin masu garkuwa da mutane ne.
Har yanzu ba za mu iya tabbatar da iyakar da suka tafi ba.”
A halin da ake ciki, kwamishinan yada labarai, Eric Anderson ya tabbatar da cewa an gano motar jami’in gwamnatin da aka sace tare da kwato ta.
Majiyoyi sun ce jami’an tsaro da ke bin wadanda suka sace ta ne suka gano takalmanta a bakin rafi.
Kakakin ‘yan sandan ya kara da cewa: “Muna kuma kara yin kokarin kubutar da Kenneth Abang daga karamar hukumar Boki da aka yi garkuwa da shi tare da dan uwansa, Eunice.”
Rahotanni sun ce an yi garkuwa da Abang da dan uwansa a kan babbar hanyar Calabar zuwa Ugep kwanakin baya a lokacin da suke kan hanyarsu ta zuwa jana’izar mahaifinsu.
Akalla mutane 21 ne aka ruwaito an yi garkuwa da su a wannan hanyar cikin watanni biyu da suka gabata.
Domin Samun sauran shirye shiryenmu, Zaku iya bibiyarmu a
Facebook. Alfijr Labarai
YouTube. Best Seller Channel
Twitter. @Musabestseller
Instagram. @musa_bestseller
Ko a latsa nan don shiga Group Whatsapp na Alfijr Labarai 👇