Alfijr ta rawaito wani sabon hari da wasu da ake zargin Fulani makiyaya ne suka kashe a karamar hukumar Guma ta jihar Benue a ranar Alhamis da ta gabata.
Alfijir Labarai
Harin, a cewar wani dan unguwar wanda ya bayyana sunansa da Terna, ya faru ne a kauyen Umella dake unguwar Mbawa a karamar hukumar da misalin karfe 3 na rana.
“Wasu Fulani makiyaya ne suka shigo unguwar Umella da misalin karfe 3 na yammacin Alhamis suka far wa mutanen kauyen, suka sassaresu su da adduna.
“Yan bindigan sunyi harbe-harbe a iska lokacin da suka zo, wanda ya sa mutane suka gudu zuwa helter-skelter amma a lokacin da maharan suka tafi, an gano gawarwaki shida,” in ji Terna.
Ma’aikatar ta bayyana sunayen wadanda suka mutun sun hada da Aginde Ibember, Orfega Ibember, Alex Msuega, Tsula Iortyer, Verlumun Ortese da kuma daya wanda har yanzu ba’a san ko waye ba.
Alfijr Labarai
Da yake tabbatar wa manema labarai harin ta wayar tarho, Shugaban karamar hukumar Mike Uba ya ce, makiyayan sun kai farmaki unguwar Umella da yammacin ranar inda suka kashe mutum shida.
Shi ma mai baiwa gwamnan jihar shawara kan harkokin tsaro, Laftanal Kanal Paul Hemba (mai ritaya), ya tabbatar da faruwar harin, inda ya ce, ”Bayanan da nake samu sun ce an kashe mutane shida a wani harin ba-zata da aka kai kan al’ummar Umella da yammacin ranar Alhamis.”
Da aka tuntubi jami’ar hulda da jama’a na ‘yan sandan, SP Catherine Anene ta ce har yanzu ba ta samu bayanai daga yankin ba.