Da Ɗumi Ɗuminsa! Mahaifiyar AA Zaura Dan Takarar Sanatan Kano ta APC Ta Shaki Iskar Yanci

Alfijr ta rawaito bayan sa’o’i 24 da yin garkuwa da mahaifiyar dan takarar Sanatan Kano ta tsakiya, AA Zaura, jami’an tsaro na farin kaya, DSS sun ceto ta a jihar Jigawa.

Idan kun tuna, wasu ‘yan bindiga da yawansu ya kai, sun kai hari garin Zaura da ke karamar hukumar Ungogo a jihar Kano sun yi garkuwa da mahaifiyar dan takarar kujerar Sanatan Kano ta tsakiya, A.A Zaura, a ranar Litinin din da ta gabata.

Shugaban karamar hukumar Ungogo, Engr. Abdullahi Garba Ramat ya tabbatarwa da Solacebase a ranar Talata cewa an ceto ta a jihar Jigawa.

Alfijr

Haka kuma, wani babban jami’in DSS wanda ya nemi a sakaya sunansa ya tabbatar da cewa jama an sun ceto Laure da wata tsohuwa da aka yi garkuwa da su kusan kwanaki goma.