Daga Aminu Bala Madobi
A wani sabon mataki na ƙarfafa tsaro a faɗin ƙasar nan, Shugaban Ƙasa Bola Ahmed Tinubu ya bayar da umarnin gaggawa na janye jami’an ‘yan sandan da ke tsare manyan mutane (VIPs), domin a mayar da su zuwa yankunan da ake fama da matsalolin tsaro.
Wannan mataki, a cewar gwamnati, ya zama dole domin ƙara ƙarfin jami’an tsaro a wuraren da ake buƙatar su fiye da kowane lokaci.
Cikin wata sanarwa da ta fito daga fadar shugaban ƙasa ta bayyana cewa gwamnatin tarayya ba za ta ɗauki halin ko-in-kula ba yayin da al’ummar ƙasa ke cigaba da fuskantar hare-hare, fashi, sace-sace da sauran matsalolin tsaro. An ce sake fasalin yadda ake amfani da jami’an ‘yan sanda ya zama wajibi domin a tabbatar da cewa aikin tsaron jama’a ya fi komai muhimmanci.
Kazalika, an umarci hukumar ‘yan sandan Najeriya da ta gudanar da cikakken bincike kan yawan jami’an da ke kai-komo tare da jami’an siyasa da masu hannu da shuni.
Rahotonni sunce galibin waɗannan jami’an suna taka rawa wajen rage ƙarfin rundunar a filin aiki, inda ake buƙatar su don kare rayuka da dukiyoyin jama’a.
Gwamnati ta kuma tabbatar da cewa muhimman mutane da ke buƙatar tsaro na iya neman jami’an tsaron farin kaya. An ce sabon tsarin zai baiwa ƙasar damar sake gina tsaro mai ɗorewa da ya dace da halin da ake ciki.
A ƙarshe, Shugaba Tinubu ya yi kira ga ‘yan Najeriya da su ba jami’an tsaro haɗin kai, domin wannan matakin wani ɓangare ne na tsarin gyara da nufin rage laifuka, da tabbatar da cewa tsaron jama’a ya fi na mutum ɗaya muhimmanci. Gwamnati ta ce za ta ci gaba da ɗaukar matakai masu tsauri domin ganin tsaro ya inganta a kowane lungu na ƙasar nan.: Tinubu Ya Umarci a Janye ‘Yan Sandan VIP, A Mai da Su Bakin Aiki Don Tunkarar Ƙalubalen Tsaro
A wani sabon mataki na ƙarfafa tsaro a faɗin ƙasar nan, Shugaban Ƙasa Bola Ahmed Tinubu ya bayar da umarnin gaggawa na janye jami’an ‘yan sandan da ke tsare manyan mutane (VIPs), domin a mayar da su zuwa yankunan da ake fama da matsalolin tsaro. Wannan mataki, a cewar gwamnati, ya zama dole domin ƙara ƙarfin jami’an tsaro a wuraren da ake buƙatar su fiye da kowane lokaci.
Cikin wata sanarwa da ta fito daga fadar shugaban ƙasa ta bayyana cewa gwamnatin tarayya ba za ta ɗauki halin ko-in-kula ba yayin da al’ummar ƙasa ke cigaba da fuskantar hare-hare, fashi, sace-sace da sauran matsalolin tsaro. An ce sake fasalin yadda ake amfani da jami’an ‘yan sanda ya zama wajibi domin a tabbatar da cewa aikin tsaron jama’a ya fi komai muhimmanci.
Kazalika, an umarci hukumar ‘yan sandan Najeriya da ta gudanar da cikakken bincike kan yawan jami’an da ke kai-komo tare da jami’an siyasa da masu hannu da shuni.
Rahotonni sunce galibin waɗannan jami’an suna taka rawa wajen rage ƙarfin rundunar a filin aiki, inda ake buƙatar su don kare rayuka da dukiyoyin jama’a.
Gwamnati ta kuma tabbatar da cewa muhimman mutane da ke buƙatar tsaro na iya neman jami’an tsaron farin kaya. An ce sabon tsarin zai baiwa ƙasar damar sake gina tsaro mai ɗorewa da ya dace da halin da ake ciki.
A ƙarshe, Shugaba Tinubu ya yi kira ga ‘yan Najeriya da su ba jami’an tsaro haɗin kai, domin wannan matakin wani ɓangare ne na tsarin gyara da nufin rage laifuka, da tabbatar da cewa tsaron jama’a ya fi na mutum ɗaya muhimmanci. Gwamnati ta ce za ta ci gaba da ɗaukar matakai masu tsauri domin ganin tsaro ya inganta a kowane lungu na ƙasar nan.
Ga masu son bada talla ko shawarwari a kira wannan lambar +2348032077835
Domin samun sauran shirye-shirye Alfijir labarai/Alfijir news ku biyo mu ta nan 👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Alfijir labarai Alfijir News Whatsapp Group 👇👇
https://chat.whatsapp.com/H5oBRaZBdCVIyOTIV5eMfb?mode=ac_t