Daga Aminu Bala Madobi
Fadar shugaban kasa ta sanar da cewa daga karshen watan Janairu, kananan hukumomi a fadin Najeriya za su fara karbar kason kudadensu kai tsaye daga kwamitin asusun bai daya na gwamnatin tarayya (FAAC), wanda ke nuna wani gagarumin mataki na cin gashin kan kananan hukumomi.
Mai ba shugaban kasa shawara na musamman kan harkokin yada labarai da sadarwa Sunday Dare ne ya bayyana hakan a wata hira da yayi da gidan talabijin na Arise News a daren ranar Alhamis.
Ya jaddada cewa kudurin shugaban kasa Bola Tinubu na aiwatar da hukuncin kotun koli a watan Yulin 2024, wanda ya bayyana ikon jihohi kan kudaden kananan hukumomi ya sabawa kundin tsarin mulki.
A wani hukuncin bai daya da mai shari’a Emmanuel Agbim ya yanke, kotun kolin ta ce a biya kason kananan hukumomi ko dai a biya su kai tsaye ko kuma ta hanyar jihohi.
Sai dai idan aka yi la’akari da rashin tasirin na baya-bayan nan, kotu ta ba da umarnin biyan kananan hukumomi kudaden kai tsaye.
Hukuncin ya biyo bayan karar da babban lauyan gwamnatin tarayya, Lateef Fagbemi (SAN) ya shigar a gaban kotu inda yake neman a bai wa kananan hukumomin Najeriya 774 cin gashin kansu.
Duk da hukuncin, an sami jinkiri na aiwatarwa don tabbatar da cewa an samar da ingantattun hanyoyin.
Sunday Dare ya tabbatar da cewa yanzu haka an kammala wadannan tsare-tsare, wanda hakan ya baiwa kananan hukumomi damar fara karbar kudaden su kai tsaye a karshen watan Janairu.
Daga nan ya kuma yi kira da a kara sa ido da bincike kan yadda ake tafiyar da harkokin kudi na jihohi da na kananan hukumomi. “Jiha daya ta tara Naira biliyan 499 a bara—kusan sau hudu abin da aka ware mata a baya-amma sai ayyuka kadan kawai aka iya nunawa,” in ji shi.
Domin samun sauran shirye shiryenmu zaku iya biyo mu ta wannan shafukan👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Ko a latsa nan don shiga Group Whatsapp na Alfijr Labarai 👇👇
https://chat.whatsapp.com/ELQRQyq1zGn7zpAVP8DwNj