Majalisar dokokin jihar Kano ta amince da kwarya kwaryar kasafin kudi na Naira Biliyan 99 domin baiwa gwamnatin jihar damar aiwatar da mafi karancin albashi da wasu ayyukan.
Alfijir Labarai ta rawaito Shugaban majalisar dokokin, Alhaji Jibril Falgore, ya ce kasafin zai baiwa gwamnatin jihar damar biyan mafi karancin albashin da kuma gudanar da ayyukan raya kasa.
Sannan ya godewa ‘yan majalisar saboda amincewa da kasafin ba tare da bata lokaci ba.
Kamfanin dillancin labarai na kasa NAN, ya rawaito cewa a ranar 20 ga watan Agusta ne dai Gwamna Abba Kabir Yusuf ya aikewa majalisar kwarya kwaryar kasafin na Naira Biliyan 99.
Tun bayan sanya hannu kan sabuwar dokar mafi karancin albashi na Naira dubu 70, jihohi da dama suka fara kafa kwamitin aiwatar da kasafin.
Jihar Adamawa ce dai, ta zamo ta farko wajen fara biyan mafi karancin albashin.
Domin samun sauran shirye shiryenmu zaku iya biyo mu ta wannan shafukan👇
https://twitter.com/Musabestseller?s=09
https://www.facebook.com/profile.php?id=100089640289165
https://www.threads.net/@alfijirlabarai
https://www.youtube.com/@BestsellerChannel12
https://www.instagram.com/musa_bestseller?utm_source=qr&r=nametag
Ko a latsa nan don shiga Group Whatsapp na Alfijr Labarai 👇👇
https://chat.whatsapp.com/ELQRQyq1zGn7zpAVP8DwNj