Alfijr ta rawaito rundunar ‘yan sandan jihar Lagos ta ce za ta ci gaba da kama babura na kasuwanci har sai an dawo da hayyacinta a jihar.
Alfijr Labarai
Abiodun Alabi, kwamishinan ‘yan sandan jihar ne ya bayyana hakan a ranar Alhamis.
A cikin watan Mayu, gwamnatin jihar Lagos ta ba da sanarwar haramci kan ayyukan babura na kasuwanci a kananan hukumomi shida na jihar – Ikeja, Surulere, Eti Osa, Lagos Mainland, Legas Island da Apapa.
Daga baya gwamnati ta tsawaita dokar zuwa wasu kananan hukumomi hudu – Kosofe, Oshodi-Isolo, Shomolu, da Mushin.
A cikin wata sanarwa da kakakin rundunar ‘yan sandan jihar Benjamin Hundeyin ya fitar a ranar Alhamis, Alabi ya ce Lagos na bukatar samun tsaro da kuma tafiyar da al’amura sosai domin samun karin masu zuba jari.
Alfijr Labarai
Alkaluman da aka fitar sun nuna cewa, babura 4,694 ne aka kwace daga hannun ‘yan kasuwa masu zaman kansu a tsakanin 1 ga watan Yuni zuwa 9 ga Satumba, 2022.
A cewar sanarwar, an kama babura 1,885 a watan Yuni, babura 1,501 a watan Yuli, yayin da Agusta da Satumba aka kama babura 1,029 da 279, bi da bi.
Bayanai sun kuma nuna cewa mutane 1,490 da suka hada da ‘yan bata-gari, ‘yan kasuwan tituna, masu safarar motoci, an yanke musu hukunci bisa laifuka daban-daban a jihar.
Alkaluman sun kuma nuna cewa an kama babura masu kafa uku Adaidaita Sahu 26 da motoci 106 bisa laifin kin bin dokokin hanya a jihar da dai sauransu.
Alfijr Labarai
“Dole ne a ci gaba da aiwatar da dokar don kula da lokacin da muka samu cikin kankanin lokaci,” in ji kwamishinan.
“Da yawa daga cikin baburan da aka kama an murkushe su, amma muhimmin sakon da muke son isarwa shi ne bin ka’ida don kada gwamnati ta murkushe baburan.”
The Cable